കേരളത്തിന്‍റെ ഒരിഞ്ചു മണ്ണും വിട്ടുനൽകില്ല: ഇബ്രാഹിം കുട്ടി
കന്പംമെട്ട്: തമിഴ്നാടുമായി അതിർത്തിതർക്കം നിലനിൽക്കുന്ന കന്പംമെട്ടിൽ ഒരിഞ്ചു ഭൂമിപോലും വിട്ടുനൽകാൻ സമ്മതിക്കില്ലെന്ന് ഡിസിസി പ്രസിഡന്‍റ് ഇബ്രാഹിംകുട്ടി കല്ലാർ. കുടിയിറക്കുഭീഷണി നേരിടുന്ന ഭവനങ്ങൾ അദ്ദേഹം സന്ദർശിച്ചു. കന്പംമെട്ടിൽ കൈയേറ്റമോ കുടിയേറ്റമോ പുതുതായി നടന്നിട്ടില്ല. സംസ്ഥാനങ്ങൾ തമ്മിലുള്ള അതിരുകൾ വ്യക്തമാക്കി നിർമിച്ച മുപ്പതടി വീതിയിലുള്ള റോഡിന് 60 വർഷത്തോളം പഴക്കമുണ്ട്. കേരള തമിഴ്നാട് മുഖ്യമന്ത്രിമാർതമ്മിൽ ചർച്ചനടത്തി ശാശ്വത പരിഹാരമുണ്ടാക്കണമെന്നും അല്ലാത്തപക്ഷം ശക്തമായ സമരത്തിനു കോണ്ഗ്രസ് നേതൃത്വംനൽകുമെന്നും അദ്ദേഹം പറഞ്ഞു. കോണ്ഗ്രസ് മണ്ഡലം പ്രസിഡന്‍റ് അഗസ്റ്റിൻ കുറുമണ്ണ്, കരുണാപുരം ഗ്രാമപഞ്ചായത്ത് പ്രസിഡന്‍റ് ശിവപ്രസാദ് തണ്ണിപ്പാറ, രേണുക ഗോപാലകൃഷ്ണൻ, കെ.കെ. കുഞ്ഞുമോൻ, ടോമി പ്ലാവുവച്ചതിൽ, സേവ്യർ ജോണ്, ഷൈജൻ ജോർജ്, വർക്കി പുളിക്കൽ, ശശി മാവറ, തോമസ് കണ്ടത്തിൻകര തുടങ്ങിയവരും ഡിസിസി പ്രസിഡന്റിനൊപ്പമുണ്ടായിരുന്നു.
