അവധി ആഘോഷമാക്കി വിദ്യാര്‍ഥികള്‍
കട്ടപ്പന : അവധി ആഘോഷമാക്കി വിദ്യാര്‍ഥികള്‍. നിനച്ചിരിക്കാതെ വന്നു ചേര്‍ന്ന അഞ്ച് അവധി ആഘോഷത്തിലായിരുന്നു ഇടുക്കി ജില്ലയിലെ സ്‌കൂള്‍ വിദ്യാര്‍ഥികള്‍. ശനിയും ഞായറുമായിരുന്നു സ്‌കൂളുകള്‍ക്ക് അവധിയായിരുന്നത്. എന്നാല്‍ ഈദുല്‍ഫിത്തറിന് തിങ്കളാഴ്ച കൂടി സര്‍ക്കാര്‍ അവധി പ്രഖ്യാപിച്ചു.
ചൊവ്വാഴ്ച എസ്എന്‍ഡിപി ഹര്‍ത്താല്‍ പ്രഖ്യാപിച്ചതോടെ ഒരു അവധികൂടി കുട്ടികള്‍ക്ക് കളിച്ചുല്ലസിക്കാന്‍ ലഭിച്ചു. ഇന്നലെ മഴ മൂലം ജില്ലാ കളക്ടര്‍ അവധി പ്രഖ്യാപിച്ചതോടെ ഈ ആഴ്ച രണ്ടു ദിവസം സ്‌കൂളില്‍ പോയാല്‍ മതിയാവും. മഴക്ക് ശക്തി കുറഞ്ഞതിനാല്‍ സര്‍ക്കാര്‍ അവധി ഒരു ദിവസത്തിലൊതുങ്ങി. ഇന്നലത്തെ മഴ അവധിയാകട്ടെ പുഴകളില്‍ കളിച്ചുല്ലസിച്ചും മീന്‍ പിടിച്ചും കുട്ടികള്‍ ആഘോഷിച്ചു. തുടര്‍ച്ചയായി അവധി വന്നതിനാല്‍ ശനിയാഴ്ച പല സ്‌കൂളുകളും പ്രവൃത്തിദിവസമാക്കിയേക്കും.
