കെഎസ്‌‌യു മാർച്ചിനു നേരേ പോലീസ് ലാത്തിച്ചാർജ്; തൊടുപുഴ രക്തപ്പുഴയായി
തൊടുപുഴ: കെഎസ് യു മാർച്ച് അക്രമാസക്തമായതിനെത്തുടർന്ന് തൊടുപുഴ നഗരം ഒരുമണിക്കൂറോളം യുദ്ധക്കളമായി മാറി. കല്ലേറിലും ലാത്തിച്ചാർജിലും നിരവധി കെഎസ്‌‌യു, കോണ്ഗ്രസ് പ്രവർത്തകർക്കും പോലീസിനും പരിക്കേറ്റു. സംഭവത്തിൽ പ്രതിഷേധിച്ച്് യുഡിഎഫ് ഇന്ന് ജില്ലയിൽ ഹർത്താലിന് ആഹ്വാനം ചെയ്തിട്ടുണ്ട്.
വ്യാപാര സ്ഥാപനങ്ങളിലും മറ്റും ഓടി ഒളിച്ച നേതാക്കളടക്കമുള്ളവരെ പോലീസ് തെരഞ്ഞു പിടിച്ചു തല്ലി. കോണ്ഗ്രസ് തൊടുപുഴ ബ്ലോക്ക് പ്രസിഡന്‍റ് ജാഫർഖാൻ മുഹമ്മദിന്‍റെ തല പൊട്ടി ചോരയൊഴുകി. മർദനത്തിൽ പ്രതിഷേധിച്ച് മുവാറ്റുപുഴ പുനലൂർ ഹൈവേ ഉപരോധിക്കാൻ ശ്രമിച്ച പ്രവർത്തകരെ പോലീസ് ബലമായി അറസ്റ്റ് ചെയ്തു നീക്കി. വസ്ത്രമാകെ ചോരപുരണ്ട ജാഫർഖാനെ പോലീസ് വലിച്ചിഴച്ച് വാനിൽ കയറ്റി ആശുപത്രിയിലാക്കി. തുടർന്ന് പി.ജെ ജോസഫ് എംഎൽഎ, പി.ടി. തോമസ് എംഎൽഎ, ജോസഫ് വാഴയ്ക്കൻ അടക്കമുള്ളവർ ആശുപത്രിയിലെത്തി പരിക്കേറ്റവരെ സന്ദർശിച്ചു.
മാർച്ച് ഗാന്ധിസ്ക്വയറിൽ പോലീസ് ബാരിക്കേഡ് ഉപയോഗിച്ച് തടഞ്ഞിരുന്നു. കെ.എസ്.യു മുൻ സംസ്ഥാന പ്രസിഡന്‍റ് വി.എസ്. ജോയി മാർച്ച് ഉദ്ഘാടനം ചെയ്തതിന് ശേഷമാണ് സംഘർഷമുണ്ടായത്. രാവിലെ 11.30 ഓടെയാണ് സംഘർഷങ്ങൾക്കു തുടക്കമിടുന്നത്. സിവിൽ സ്റ്റേഷൻ മാർച്ചിന് മുന്നോടിയായി പഴയപാലത്തിൽ ബാരിക്കേഡ് സ്ഥാപിച്ച് സർവസജ്ജരായി അപ്പുറവും ഇപ്പുറവും തൊടുപുഴ ഡിവൈഎസ്പി എൻ.എൻ. പ്രസാദിന്‍റെ നേതൃത്വത്തിൽ പോലീസ് നിലയുറപ്പിച്ചു.
സംഘർഷമുണ്ടാകാൻ സാധ്യതയുണ്ടെന്ന് നേരത്തേ സൂചന ലഭിച്ചിരുന്നതിനാൽ തഹസിൽദാറും ബാരിക്കേഡിന് പിന്നിൽ നിലയുറപ്പിച്ചിരുന്നു. റോഡിൽ ഗതാഗതവും നിയന്ത്രിച്ചിരുന്നു.
ഉച്ചയ്ക്ക് 12 ഓടെ രാജീവ് ഭവനിൽ നിന്ന് കെഎസ്‌‌യുവിന്‍റെ അന്പതോളം വരുന്ന പ്രവർത്തകരുടെ നേതൃത്വത്തിൽ പോലീസിനെതിരേ പ്രകോപനപരമായ മുദ്രാവാക്യങ്ങളുമായി ഗാന്ധിസ്ക്വയറിലേക്ക് പ്രകടനമായി വന്നു. പാലത്തിന് മുന്നിലെ ബാരിക്കേഡിന് മുന്നിലെത്തി പ്രവർത്തകർ മുദ്രാവാക്യം വിളി തുടർന്നു.
തുടർന്ന് റോഡിൽ പ്രവർത്തകർ കുത്തിയിരുന്നു. ഉദ്ഘാടനം കഴിഞ്ഞ് നേതാക്കൾ പോയതോടെ പ്രവർത്തകർ പോലീസിന് നേരേ കല്ലെറിഞ്ഞു.
കൊടികെട്ടിയ കന്പ് ഉപയോഗിച്ച് കുത്തുകയും ബാരിക്കേഡ് മറികടക്കാൻ ശ്രമിക്കുകയും ചെയ്തു. ഡി.വൈ.എസ്.പിക്കടക്കം കല്ലേറിൽ പരിക്കേറ്റതോടെ ലാത്തിച്ചാർജിന്് ഉത്തരവിടുകയായിരുന്നു. ലാത്തി വീശിയതോടെ പ്രവർത്തകർ ചിതറിയോടി. ഓടിയൊളിച്ച പ്രവർത്തകരെ ഓടിച്ചിട്ട് മർദിച്ചു. നേതാക്കളടക്കമുള്ളവർ ഓടി സമീപത്തെ കടകളിൽ കയറി.
കെഎസ് യു ജില്ലാ പ്രസിഡന്‍റ് ടോണി തോമസ്, മുൻ ജില്ലാ പ്രസിഡന്‍റുമാരായ ജിയോ മാത്യു, നിയാസ് കൂരാപ്പിള്ളി, സംസ്ഥാന സെക്രട്ടറി മാത്യു.കെ ജോണ്, സിബി എന്നിവരെ പോലീസ് ക്രൂരമായി മർദിച്ചു. ഇതിനിടെ ഡി.വൈ.എസ്.പിയുമായി സംസാരിച്ച് മുന്നോട്ടുപോയ കോണ്ഗ്രസ് ബ്ലോക്ക് മണ്ഡലം പ്രസിഡന്‍റ് ജാഫർഖാൻ മുഹമ്മദിനെ മാതാഷോപ്പിംഗ് ആർക്കേഡിന് സമീപം ക്രൂരമായി തല്ലിച്ചതയ്ക്കുകയായിരുന്നു.
ലാത്തിയടിയേറ്റ് തലയുടെ പിൻഭാഗംപൊട്ടി ചോരയൊഴുകി. ജാഫർഖാന്‍റെ വസ്ത്രമാകെ ചോരയിൽ കുളിച്ചു. ഇതോടെ ചിതറിയോടിയ പ്രവർത്തകർ സംഘടിച്ചു പോലീസ് മർദ്ദനത്തിൽ പ്രതിഷേധിച്ച് പുനലൂർ മൂവാറ്റുപുഴ ഹൈവേ ഉപരോധിച്ച് റോഡിൽ കുത്തിയിരുന്നു.
ഇവരെ ബലമായി അറസ്റ്റുചെയ്ത് പോലീസ് വാനിൽകയറ്റി. പരിക്കേറ്റ ജാഫർഖാൻ അടക്കമുള്ളവരെ വലിച്ചിഴച്ച് വാനിൽ കയറ്റി തൊടുപുഴയിലെ സ്വകാര്യ ആശുപത്രിയിലെത്തിച്ചു. ആശുപത്രിയിലെത്തിയപ്പോൾ വാനിൽ നിന്ന് ഇറങ്ങാൻ കൂട്ടാക്കാത്ത പ്രവർത്തകരെ പോലീസ് വീണ്ടും മർദിച്ചു.
ഇതിനിടെ പി.ടി. തോമസ് എം.എൽ.എ സംഭവ സ്ഥലത്തെത്തി. എം.എൽ.എയുടെ നേതൃത്വത്തിൽ സ്വകാര്യ ആശുപത്രിയിലെത്തി പരിക്കേറ്റവരെ കണ്ടു. പരിക്കേറ്റ 25 പ്രവർത്തകരാണ് ചികിത്സയിലുള്ളത്. സംഘർഷത്തിൽ പരിക്കേറ്റ ഡി.വൈ.എസ്.പി എൻ.എൻ. പ്രസാദ്, സി.ഐ എൻ.ജി. ശ്രീമോൻ, എസ്.ഐ ജോബിൻ ആന്‍റണി എന്നിവരെ ജില്ലാ ആശുപത്രിയിൽ പ്രവേശിപ്പിച്ചു.
ഇതിനിടെ വൈകുന്നേരം പോലീസ് അതിക്രമത്തിൽ പ്രതിഷേധിച്ച് ഡിസിസി പ്രസിഡന്‍റ് ഇബ്രാഹിംകുട്ടി കല്ലാറിന്‍റെ നേതൃത്വത്തിൽ അന്പതോളം പ്രവർത്തകർ തൊടുപുഴ പോലീസ് സ്റ്റേഷനിലേക്ക് നടത്തിയ മാർച്ചിനിടെയും സംഘർഷമുണ്ടായി. മാർച്ച് സ്റ്റേഷന് മുന്നിൽ പോലീസ് തടഞ്ഞു. കെഎസ് യു പ്രവർത്തകരിലൊരാൾ തള്ളിക്കയറാൻ ശ്രമിച്ചതാണ് വീണ്ടും സംഘർഷത്തിൽ കലാശിച്ചത്. പോലീസും പ്രവർത്തകരും തമ്മിൽ ഉന്തും തള്ളുമുണ്ടായതിൽ കുറച്ച് പ്രവർത്തകർക്ക് മർദ്ദനമേറ്റു. ഇബ്രാഹിംകുട്ടി കല്ലാറും റോയ് കെ. പൗലോസുമടക്കമുള്ള നേതാക്കളുടെ നേതൃത്വത്തിൽ പ്രവർത്തകരെ പിന്തിരിപ്പിച്ചതിനാൽ സംഘർഷം വഴിമാറുകയായിരുന്നു.
ജോയി തോമസ്, ടി.എം സലിം, എം.എസ് മുഹമ്മദ്, ജോണ് നെടിയപാല, ഇന്ദു സുധാകരൻ, ലീലമ്മ ജോസ് തുടങ്ങിയവർ പ്രതിഷേധ പ്രകടനത്തിൽ പങ്കെടുത്തു. തൊടുപുഴ: കെഎസ് യു മാർച്ച് അക്രമാസക്തമായതിനെത്തുടർന്ന് തൊടുപുഴ നഗരം ഒരുമണിക്കൂറോളം യുദ്ധക്കളമായി മാറി. കല്ലേറിലും ലാത്തിച്ചാർജിലും നിരവധി കെഎസ്‌‌യു, കോണ്ഗ്രസ് പ്രവർത്തകർക്കും പോലീസിനും പരിക്കേറ്റു. സംഭവത്തിൽ പ്രതിഷേധിച്ച്് യുഡിഎഫ് ഇന്ന് ജില്ലയിൽ ഹർത്താലിന് ആഹ്വാനം ചെയ്തിട്ടുണ്ട്. വ്യാപാര സ്ഥാപനങ്ങളിലും മറ്റും ഓടി ഒളിച്ച നേതാക്കളടക്കമുള്ളവരെ പോലീസ് തെരഞ്ഞു പിടിച്ചു തല്ലി. കോണ്ഗ്രസ് തൊടുപുഴ ബ്ലോക്ക് പ്രസിഡന്‍റ് ജാഫർഖാൻ മുഹമ്മദിന്‍റെ തല പൊട്ടി ചോരയൊഴുകി. മർദനത്തിൽ പ്രതിഷേധിച്ച് മുവാറ്റുപുഴ പുനലൂർ ഹൈവേ ഉപരോധിക്കാൻ ശ്രമിച്ച പ്രവർത്തകരെ പോലീസ് ബലമായി അറസ്റ്റ് ചെയ്തു നീക്കി. വസ്ത്രമാകെ ചോരപുരണ്ട ജാഫർഖാനെ പോലീസ് വലിച്ചിഴച്ച് വാനിൽ കയറ്റി ആശുപത്രിയിലാക്കി. തുടർന്ന് പി.ജെ ജോസഫ് എംഎൽഎ, പി.ടി. തോമസ് എംഎൽഎ, ജോസഫ് വാഴയ്ക്കൻ അടക്കമുള്ളവർ ആശുപത്രിയിലെത്തി പരിക്കേറ്റവരെ സന്ദർശിച്ചു. മാർച്ച് ഗാന്ധിസ്ക്വയറിൽ പോലീസ് ബാരിക്കേഡ് ഉപയോഗിച്ച് തടഞ്ഞിരുന്നു. കെ.എസ്.യു മുൻ സംസ്ഥാന പ്രസിഡന്‍റ് വി.എസ്. ജോയി മാർച്ച് ഉദ്ഘാടനം ചെയ്തതിന് ശേഷമാണ് സംഘർഷമുണ്ടായത്. രാവിലെ 11.30 ഓടെയാണ് സംഘർഷങ്ങൾക്കു തുടക്കമിടുന്നത്. സിവിൽ സ്റ്റേഷൻ മാർച്ചിന് മുന്നോടിയായി പഴയപാലത്തിൽ ബാരിക്കേഡ് സ്ഥാപിച്ച് സർവസജ്ജരായി അപ്പുറവും ഇപ്പുറവും തൊടുപുഴ ഡിവൈഎസ്പി എൻ.എൻ. പ്രസാദിന്‍റെ നേതൃത്വത്തിൽ പോലീസ് നിലയുറപ്പിച്ചു. സംഘർഷമുണ്ടാകാൻ സാധ്യതയുണ്ടെന്ന് നേരത്തേ സൂചന ലഭിച്ചിരുന്നതിനാൽ തഹസിൽദാറും ബാരിക്കേഡിന് പിന്നിൽ നിലയുറപ്പിച്ചിരുന്നു. റോഡിൽ ഗതാഗതവും നിയന്ത്രിച്ചിരുന്നു. ഉച്ചയ്ക്ക് 12 ഓടെ രാജീവ് ഭവനിൽ നിന്ന് കെഎസ്‌‌യുവിന്‍റെ അന്പതോളം വരുന്ന പ്രവർത്തകരുടെ നേതൃത്വത്തിൽ പോലീസിനെതിരേ പ്രകോപനപരമായ മുദ്രാവാക്യങ്ങളുമായി ഗാന്ധിസ്ക്വയറിലേക്ക് പ്രകടനമായി വന്നു. പാലത്തിന് മുന്നിലെ ബാരിക്കേഡിന് മുന്നിലെത്തി പ്രവർത്തകർ മുദ്രാവാക്യം വിളി തുടർന്നു. തുടർന്ന് റോഡിൽ പ്രവർത്തകർ കുത്തിയിരുന്നു. ഉദ്ഘാടനം കഴിഞ്ഞ് നേതാക്കൾ പോയതോടെ പ്രവർത്തകർ പോലീസിന് നേരേ കല്ലെറിഞ്ഞു. കൊടികെട്ടിയ കന്പ് ഉപയോഗിച്ച് കുത്തുകയും ബാരിക്കേഡ് മറികടക്കാൻ ശ്രമിക്കുകയും ചെയ്തു. ഡി.വൈ.എസ്.പിക്കടക്കം കല്ലേറിൽ പരിക്കേറ്റതോടെ ലാത്തിച്ചാർജിന്് ഉത്തരവിടുകയായിരുന്നു. ലാത്തി വീശിയതോടെ പ്രവർത്തകർ ചിതറിയോടി. ഓടിയൊളിച്ച പ്രവർത്തകരെ ഓടിച്ചിട്ട് മർദിച്ചു. നേതാക്കളടക്കമുള്ളവർ ഓടി സമീപത്തെ കടകളിൽ കയറി. കെഎസ് യു ജില്ലാ പ്രസിഡന്‍റ് ടോണി തോമസ്, മുൻ ജില്ലാ പ്രസിഡന്‍റുമാരായ ജിയോ മാത്യു, നിയാസ് കൂരാപ്പിള്ളി, സംസ്ഥാന സെക്രട്ടറി മാത്യു.കെ ജോണ്, സിബി എന്നിവരെ പോലീസ് ക്രൂരമായി മർദിച്ചു. ഇതിനിടെ ഡി.വൈ.എസ്.പിയുമായി സംസാരിച്ച് മുന്നോട്ടുപോയ കോണ്ഗ്രസ് ബ്ലോക്ക് മണ്ഡലം പ്രസിഡന്‍റ് ജാഫർഖാൻ മുഹമ്മദിനെ മാതാഷോപ്പിംഗ് ആർക്കേഡിന് സമീപം ക്രൂരമായി തല്ലിച്ചതയ്ക്കുകയായിരുന്നു. ലാത്തിയടിയേറ്റ് തലയുടെ പിൻഭാഗംപൊട്ടി ചോരയൊഴുകി. ജാഫർഖാന്‍റെ വസ്ത്രമാകെ ചോരയിൽ കുളിച്ചു. ഇതോടെ ചിതറിയോടിയ പ്രവർത്തകർ സംഘടിച്ചു പോലീസ് മർദ്ദനത്തിൽ പ്രതിഷേധിച്ച് പുനലൂർ മൂവാറ്റുപുഴ ഹൈവേ ഉപരോധിച്ച് റോഡിൽ കുത്തിയിരുന്നു. ഇവരെ ബലമായി അറസ്റ്റുചെയ്ത് പോലീസ് വാനിൽകയറ്റി. പരിക്കേറ്റ ജാഫർഖാൻ അടക്കമുള്ളവരെ വലിച്ചിഴച്ച് വാനിൽ കയറ്റി തൊടുപുഴയിലെ സ്വകാര്യ ആശുപത്രിയിലെത്തിച്ചു. ആശുപത്രിയിലെത്തിയപ്പോൾ വാനിൽ നിന്ന് ഇറങ്ങാൻ കൂട്ടാക്കാത്ത പ്രവർത്തകരെ പോലീസ് വീണ്ടും മർദിച്ചു. ഇതിനിടെ പി.ടി. തോമസ് എം.എൽ.എ സംഭവ സ്ഥലത്തെത്തി. എം.എൽ.എയുടെ നേതൃത്വത്തിൽ സ്വകാര്യ ആശുപത്രിയിലെത്തി പരിക്കേറ്റവരെ കണ്ടു. പരിക്കേറ്റ 25 പ്രവർത്തകരാണ് ചികിത്സയിലുള്ളത്. സംഘർഷത്തിൽ പരിക്കേറ്റ ഡി.വൈ.എസ്.പി എൻ.എൻ. പ്രസാദ്, സി.ഐ എൻ.ജി. ശ്രീമോൻ, എസ്.ഐ ജോബിൻ ആന്‍റണി എന്നിവരെ ജില്ലാ ആശുപത്രിയിൽ പ്രവേശിപ്പിച്ചു. ഇതിനിടെ വൈകുന്നേരം പോലീസ് അതിക്രമത്തിൽ പ്രതിഷേധിച്ച് ഡിസിസി പ്രസിഡന്‍റ് ഇബ്രാഹിംകുട്ടി കല്ലാറിന്‍റെ നേതൃത്വത്തിൽ അന്പതോളം പ്രവർത്തകർ തൊടുപുഴ പോലീസ് സ്റ്റേഷനിലേക്ക് നടത്തിയ മാർച്ചിനിടെയും സംഘർഷമുണ്ടായി. മാർച്ച് സ്റ്റേഷന് മുന്നിൽ പോലീസ് തടഞ്ഞു. കെഎസ് യു പ്രവർത്തകരിലൊരാൾ തള്ളിക്കയറാൻ ശ്രമിച്ചതാണ് വീണ്ടും സംഘർഷത്തിൽ കലാശിച്ചത്. പോലീസും പ്രവർത്തകരും തമ്മിൽ ഉന്തും തള്ളുമുണ്ടായതിൽ കുറച്ച് പ്രവർത്തകർക്ക് മർദ്ദനമേറ്റു. ഇബ്രാഹിംകുട്ടി കല്ലാറും റോയ് കെ. പൗലോസുമടക്കമുള്ള നേതാക്കളുടെ നേതൃത്വത്തിൽ പ്രവർത്തകരെ പിന്തിരിപ്പിച്ചതിനാൽ സംഘർഷം വഴിമാറുകയായിരുന്നു. ജോയി തോമസ്, ടി.എം സലിം, എം.എസ് മുഹമ്മദ്, ജോണ് നെടിയപാല, ഇന്ദു സുധാകരൻ, ലീലമ്മ ജോസ് തുടങ്ങിയവർ പ്രതിഷേധ പ്രകടനത്തിൽ പങ്കെടുത്തു.
