ഇടുക്കിയുടെ ഭൂപ്രശ്നങ്ങൾ പരിഹരിക്കാൻ പുതിയ നിയമം വേണം: കോടിയേരി
| കട്ടപ്പന: ഇടുക്കിയിലെ സങ്കീർണന്ധഭൂപ്രശ്നങ്ങൾക്ക് ശാശ്വത പരിഹാരം കാണാനും പരിസ്ഥിതി സംരക്ഷിക്കാനും പ്രത്യേക നിയമനിർമാണം ഉണ്ടാകണമെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ഭൂപ്രശ്നങ്ങൾക്ക് പരിഹാരംതേടി കർഷക സംഘം കട്ടപ്പന മുൻസിപ്പൽ ഹാളിൽ സംഘടിപ്പിച്ച കർഷക കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. ഭൂപ്രശ്നം പരിഹരിച്ച് കർഷകർക്ക് സുരക്ഷിതത്വം ഉണ്ടാവാൻ ഇടപെടലുകൾ ആവശ്യമാണ്. മനുഷ്യ ജീവിതവുമായി ചേർന്നുള്ള പരിസ്ഥിതി സംരക്ഷണമാണ് വേണ്ടത്. കർഷകരുടെ പ്രശ്നങ്ങൾ ഏതെങ്കിലും ഒരുദ്യോഗസ്ഥന് വിട്ടുകൊടുക്കാതെ പ്രത്യേക അഥോറിറ്റിയുണ്ടാക്കി വ്യവസ്ഥാപിത സംവിധാനവും നിയമനിർമാണവും ഉണ്ടാക്കാൻ സർക്കാർ മുൻകൈയെടുക്കണം. കെട്ടിടനിർമാണ ചട്ടവും ഇവിടെയുണ്ടാവണം. കഴിഞ്ഞ എൽഡിഎഫ് സർക്കാർ ഇതിനു തുടക്കംകുറിച്ചെങ്കിലും യുഡിഎഫ് സർക്കാർ അട്ടിമറിക്കുകയായിരുന്നു. ഒരോ പ്രദേശത്തുമുള്ള സവിശേഷവും സങ്കീർണവുമായ പ്രശ്നങ്ങൾ ചർച്ചചെയ്ത് അർഹരായവർക്ക് പട്ടയം നൽകാനാവണം. കരിങ്കാട്, പുറന്പോക്ക്, തരിശ്, റവന്യൂ തരിശ്, ഏലം കൃഷി എന്നിങ്ങനെ വിഭജിച്ചും തെറ്റായ വ്യാഖ്യാനങ്ങൾ നൽകിയും പട്ടയ നപടികൾ തടസപ്പെടുത്തുന്നതായി ശ്രദ്ധയിൽപെട്ടിട്ടുണ്ട്. കർശനമായ ഇടപെടൽ ഇക്കാര്യത്തിലുണ്ടാകും. ഇടുക്കിയെ സന്പൂർണ വനപ്രദേശമായി മാറ്റുന്നതിനുള്ള അന്താരാഷ്ട്ര വനവൽക്കരണ പദ്ധതിയായ ഹൈറേഞ്ച് മൗണ്ടൻ ലാൻഡ്് സ്കേപ് പ്രൊജക്ട് യുഡിഎഫ് ന്ധഭരണകാലത്ത് നടപ്പാക്കാൻ തീരുമാനിച്ചിരുന്നു. പദ്ധതിക്കെതിരെ വ്യാപകമായ പ്രതിഷേധം ഉയർന്നു. എന്നാൽ എൽഡിഎഫ് സർക്കാർ വന്നശേഷം എച്ച്ആർഎംഎൽ പദ്ധതി നടപ്പാക്കേണ്ടതില്ലെന്ന് തീരുമാനിച്ചു. കർഷകർ നട്ടുവളർത്തിയ 28 ഇനം മരങ്ങൾ മുറിച്ചുമാറ്റുന്നത് നിരോധിച്ചുകൊണ്ട് യുഡിഎഫ് സർക്കാർ ഇറക്കിയ ഉത്തരവ് എൽഡിഎഫ് സർക്കാർ പിൻവലിച്ച് വിജ്ഞാപനം ഇറക്കാൻ തീരുമാനിച്ചിട്ടുണ്ട്. മൂന്നാറിന്‍റെ പാരിസ്ഥിത സൗഹൃദ അന്തരീക്ഷം നിലനിർത്തിക്കൊണ്ടും ടൂറിസം സാധ്യതകളെ പരമാവധി ഉപയോഗപ്പെടുത്തിക്കൊണ്ടും സ്വതന്ത്രമായി ജീവിക്കുന്നതിനുള്ള സാഹചര്യം സൃഷ്ടിക്കുന്നതിനുള്ള പ്രവർത്തനങ്ങൾക്കാണ് ഗവണ്‍മെന്‍റ് ഉൗന്നൽനൽകുന്നത്. വന്യജീവി ആക്രമണം ജില്ല അഭിമുഖീകരിക്കുന്ന മറ്റൊരു വലിയ സാമൂഹ്യ പ്രശ്നമാണ്. ഇക്കാര്യത്തിൽ വനം-റവന്യൂ വകുപ്പുകളുടെ അടിയന്തര ഇടപെടൽ ഉണ്ടാകണമെന്നും കോടിയേരി പറഞ്ഞു. കട്ടപ്പന ടൗണ്‍ഹാളിൽ നടത്തിയ പരിപാടിയിൽ ജില്ലയിലെ വിവിധ ഭാഗങ്ങളിൽനിന്നുമുള്ള കർഷകർ, തൊഴിലാളികൾ, വിവിധ കർഷകസംഘടനകളുടെ സംസ്ഥാന ജില്ലാ നേതാക്കൾ, ഏലം വ്യസായികൾ, വില്പ്പനക്കാർ, വ്യാപാരികൾ, ജനപ്രതിനിധികൾ തുടങ്ങിയവർ പങ്കെടുത്തു. കർഷകസംഘം ജില്ലാ പ്രസിഡന്‍റ് സി.വി. വർഗീസ് അധ്യക്ഷതവഹിച്ചു. മന്ത്രി എം.എം. മണി മുഖ്യപ്രഭാഷണം നടത്തി. സിഐടിയു സംസ്ഥാന വൈസ്പ്രസിഡന്‍റ് കെ.കെ. ജയചന്ദ്രൻ, കിസാൻസഭ സംസ്ഥാന സെക്രട്ടറി മാത്യു വർഗീസ്, ഹൈറേഞ്ച് സംരക്ഷണ സമിതി ജനറൽ കണ്‍വീനർ ഫാ. സെബാസ്റ്റ്യൻ കൊച്ചുപുരയ്ക്കൽ, നാഷണലിസ്റ്റ് കിസാൻസഭ പ്രസിഡന്‍റ് ജോസ് കുറ്റ്യാനിമറ്റം, കർഷക കോണ്ഗ്രസ് സംസ്ഥാന സെക്രട്ടറി മാത്യുസ് കോലഞ്ചേരി, ജനാധിപത്യ കർഷക യൂണിയൻ സംസ്ഥാന പ്രസിഡന്‍റ് വർഗീസ് വെട്ടിയാങ്കൽ, സൗത്ത് ഇന്ത്യൻ പ്ലാന്േ‍റഴ്സ് അസോസിയേഷൻ പ്രസിഡന്‍റ് എസ്.വി. സുബ്രഹ്മണ്യം, കേരള കാർഡമം ട്രേഡേഴ്സ് അസോസിയേഷൻ ജില്ലാ സെക്രട്ടറി ഇ. സദാശിവസുബ്രഹ്മണ്യം, കർഷകസംഘം സംസ്ഥാന വർക്കിംഗ് കമ്മിറ്റിയംഗം എൻ. ശിവരാജൻ, വ്യാപാരി വ്യവസായി ഏകോപന സമിതി ജില്ലാ സെക്രട്ടറി കെ.പി. ഹസൻ, കാർഡമം ഗ്രോവേഴ്സ് അസോസിയേഷൻ പ്രസിഡന്‍റ് ജോയിച്ചൻ കണ്ണമുണ്ടയിൽ, കേരള റബർ ഗ്രോവേഴ്സ് ഫെഡറേഷൻ പ്രസിഡന്‍റ് ജയിംസ് പന്പാക്കൽ, സ്പൈസസ് പ്ലാന്േ‍റഴ്സ് അസോസിയേഷൻ പ്രസിഡന്‍റ് എം.എം. ലംബോദരൻ, കേരള കോണ്ഗ്രസ് (സ്കറിയാ തോമസ്) ജില്ലാ പ്രസിഡന്‍റ് ജോണി ചെരിവുപറന്പിൽ, അനിൽ കൂവപ്ലാക്കൽ, ടി.പി. ജോസഫ്, സിപിഎം ജില്ലാ സെക്രട്ടേറിയറ്റംഗങ്ങളായ പി.എസ.് രാജൻ, പി.എൻ. വിജയൻ, വി.വി. മത്തായി, കെ.വി. ശശി, സ്വാഗതസംഘം ജനറൽ കണ്‍വീനർ വി. ആർ. സജി, ടോമി ജോർജ് തുടങ്ങിയവർ പ്രസംഗിച്ചു. |
