വിദ്യാർഥിനിയോട് മോശമായി പെരുമാറിയ സ്വകാര്യ ബസ് ജീവനക്കാരനെ പോലീസ് കസ്റ്റഡിയിലെടുത്തു
അടിമാലി: സ്വകാര്യ ബസിൽ വിദ്യാർഥിനിയെ അപമാനിച്ചെന്ന പരാതിയിൽ ജീവനക്കാരനെ പോലീസ് കസ്റ്റഡിയിലെടുത്തു. ഇതിൽ പ്രതിഷേധിച്ച് സ്വകാര്യ ബസ് തൊഴിലാളികൾ മിന്നൽ പണിമുടക്ക് നടത്തി. ഇന്നലെ വൈകുന്നേരം 4.30നാണ് സംഭവം.
ബുധനാഴ്ച അടിമാലി ബസ്‌സ്റ്റാന്‍ഡിൽനിന്നും സ്വകാര്യ ബസിൽ ഇരുന്നൂറേക്കറിലേക്ക് യാത്രചെയ്ത സ്കൂൾ വിദ്യാർഥിനിയോട് ബസ് ജീവനക്കാരൻ മോശമായി പെരുമാറിയതായി വിദ്യാർഥിനി വീട്ടിലെത്തി രക്ഷിതാക്കളോട് പരാതിപറഞ്ഞു. ഇന്നലെ വൈകുന്നേരം സ്കൂൾ വിട്ട സമയത്ത് രക്ഷിതാവ് മകളേയുംകൂട്ടി ഇത് ചോദിക്കാൻ സ്റ്റാന്‍ഡിലെത്തി. ഇതേചൊല്ലി ബസ്ജീവനക്കാരും രക്ഷിതാവും തമ്മിൽ വാക്കേറ്റമുണ്ടായി.
സംഭവമറിഞ്ഞ് പോലീസെത്തി പെണ്‍കുട്ടിയുടെ രക്ഷിതാവിന്‍റെ പരാതിയുടെ അടിസ്ഥാനത്തിൽ ബസ് ക്ലീനറെ കസ്റ്റഡിയിലെടുത്ത് സ്റ്റേഷനിൽ കൊണ്ടുപോയി. ഇതിൽ പ്രതിഷേധിച്ച് സ്റ്റാൻഡിലുണ്ടായിരുന്ന ജീവനക്കാർചേർന്ന് മറ്റ് ബസുകൾ തടയുകയും മിന്നൽ പണിമുടക്ക് പ്രഖ്യാപിക്കുകയും ചെയ്തു.
സംഭവം അറിയാതെ സ്റ്റാൻന്‍ഡിലെത്തിയ മറ്റു വാഹനങ്ങൾ റോഡിൽ പാർക്കുചെയ്തതോടെ യാത്രക്കാരും മറ്റ് വാഹനങ്ങളും ബസ്‌‌സ്റ്റാന്‍ഡിൽ കുടുങ്ങി. സമരക്കാരുമായി പോലീസ് അനുരഞ്ജന ചർച്ച നടത്തിയെങ്കിലും പരാജയപ്പെട്ടു.
ഒടുവിൽ കുറ്റമാരോപിക്കുന്ന ബസ് പോലീസ് പിടിച്ചെടുത്ത് സ്റ്റേഷനിലേക്ക് മാറ്റിയതോടെയാണ് സംഘർഷത്തിന് അയവുവന്നത്. ഇതിനുശേഷം സമരം പിൻവലിച്ചതായി ബസ്ജീവനക്കാർ സ്വയം അറിയിക്കുകയും ചെയ്തു. മിന്നൽ പണിമുടക്കിനെതുടർന്ന് രണ്ടുമണിക്കൂർ യാത്രക്കാർ കുടുങ്ങി.
അടിമാലി: സ്വകാര്യ ബസിൽ വിദ്യാർഥിനിയെ അപമാനിച്ചെന്ന പരാതിയിൽ ജീവനക്കാരനെ പോലീസ് കസ്റ്റഡിയിലെടുത്തു. ഇതിൽ പ്രതിഷേധിച്ച് സ്വകാര്യ ബസ് തൊഴിലാളികൾ മിന്നൽ പണിമുടക്ക് നടത്തി. ഇന്നലെ വൈകുന്നേരം 4.30നാണ് സംഭവം. ബുധനാഴ്ച അടിമാലി ബസ്‌സ്റ്റാന്‍ഡിൽനിന്നും സ്വകാര്യ ബസിൽ ഇരുന്നൂറേക്കറിലേക്ക് യാത്രചെയ്ത സ്കൂൾ വിദ്യാർഥിനിയോട് ബസ് ജീവനക്കാരൻ മോശമായി പെരുമാറിയതായി വിദ്യാർഥിനി വീട്ടിലെത്തി രക്ഷിതാക്കളോട് പരാതിപറഞ്ഞു. ഇന്നലെ വൈകുന്നേരം സ്കൂൾ വിട്ട സമയത്ത് രക്ഷിതാവ് മകളേയുംകൂട്ടി ഇത് ചോദിക്കാൻ സ്റ്റാന്‍ഡിലെത്തി. ഇതേചൊല്ലി ബസ്ജീവനക്കാരും രക്ഷിതാവും തമ്മിൽ വാക്കേറ്റമുണ്ടായി. സംഭവമറിഞ്ഞ് പോലീസെത്തി പെണ്‍കുട്ടിയുടെ രക്ഷിതാവിന്‍റെ പരാതിയുടെ അടിസ്ഥാനത്തിൽ ബസ് ക്ലീനറെ കസ്റ്റഡിയിലെടുത്ത് സ്റ്റേഷനിൽ കൊണ്ടുപോയി. ഇതിൽ പ്രതിഷേധിച്ച് സ്റ്റാൻഡിലുണ്ടായിരുന്ന ജീവനക്കാർചേർന്ന് മറ്റ് ബസുകൾ തടയുകയും മിന്നൽ പണിമുടക്ക് പ്രഖ്യാപിക്കുകയും ചെയ്തു. സംഭവം അറിയാതെ സ്റ്റാൻന്‍ഡിലെത്തിയ മറ്റു വാഹനങ്ങൾ റോഡിൽ പാർക്കുചെയ്തതോടെ യാത്രക്കാരും മറ്റ് വാഹനങ്ങളും ബസ്‌‌സ്റ്റാന്‍ഡിൽ കുടുങ്ങി. സമരക്കാരുമായി പോലീസ് അനുരഞ്ജന ചർച്ച നടത്തിയെങ്കിലും പരാജയപ്പെട്ടു. ഒടുവിൽ കുറ്റമാരോപിക്കുന്ന ബസ് പോലീസ് പിടിച്ചെടുത്ത് സ്റ്റേഷനിലേക്ക് മാറ്റിയതോടെയാണ് സംഘർഷത്തിന് അയവുവന്നത്. ഇതിനുശേഷം സമരം പിൻവലിച്ചതായി ബസ്ജീവനക്കാർ സ്വയം അറിയിക്കുകയും ചെയ്തു. മിന്നൽ പണിമുടക്കിനെതുടർന്ന് രണ്ടുമണിക്കൂർ യാത്രക്കാർ കുടുങ്ങി.
