കാ​ടു​ക​യ​റി​പ്പോ​യ കാ​ട്ടാ​ന​ക്കൂ​ട്ടം വീ​ണ്ടും നാ​ട്ടി​ലി​റ​ങ്ങി നാ​ശം​വി​ത​ച്ചു

രാ​ജാ​ക്കാ​ട് : കാ​ടു​ക​യ​റി പോ​യ കാ​ട്ടാ​ന​ക്കൂ​ട്ടം വീ​ണ്ടും നാ​ട്ടി​ലി​റ​ങ്ങി നാ​ശം​വി​ത​ച്ചു. ബൈ​സ​ണ്‍​വാ​ലി പ​ഞ്ചാ​യ​ത്തി​ലെ മു​ട്ടു​കാ​ട് കൊ​ങ്ങി​ണി​സി​റ്റി, സൊ​സൈ​റ്റി​മേ​ട് ഭാ​ഗ​ങ്ങ​ളി​ലെ ജ​ന​വാ​സ മേ​ഖ​ല​ക​ളി​ലാ​ണ് വീ​ണ്ടും കാ​ട്ടാ​ന​ക്കൂ​ട്ട​മി​റ​ങ്ങി​യ​ത്. ഇ​ന്ന​ലെ രാ​വി​ലെ ഏ​ഴോ​ടെ​യാ​ണ് കു​ട്ടി ഉ​ൾ​പ്പെ​ടെ അ​ഞ്ച് ആ​ന​ക​ൾ നാ​ട്ടി​ലി​റ​ങ്ങി​യ​ത്.

കു​റെ ദി​വ​സ​ങ്ങ​ളാ​യി മു​ന്നൂ​റേ​ക്ക​ർ, വെ​ള്ളി​വി​ളു​ന്താ​ൻ പ്ര​ദേ​ശ​ങ്ങ​ളി​ലെ ഏ​ല​ത്തോ​ട്ട മേ​ഖ​ല​യി​ൽ ഇ​റ​ങ്ങി​യ ആ​ന​ക്കൂ​ട്ട​മാ​ണി​ത്. മു​ന്നൂ​റേ​ക്ക​ർ ഭാ​ഗ​ത്ത് ചൊ​വ്വാ​ഴ്ച്ച രാ​ത്രി​യി​ൽ ഇ​വ ഉ​ണ്ടാ​യി​രു​ന്ന​താ​യി പ്ര​ദേ​ശ​വാ​സി​ക​ൾ പ​റ​ഞ്ഞു. ബു​ധ​നാ​ഴ്ച രാ​വി​ലെ വീ​ട്ടു​കാ​ര്യ​ങ്ങ​ൾ​ക്കും ജോ​ലി​ക​ൾ​ക്കു​മാ​യി പു​റ​ത്തി​റ​ങ്ങി​യ​വ​ർ റോ​ഡി​ലൂ​ടെ ഓ​ടി​പോ​കു​ന്ന ആ​ന​ക​ളെ​യാ​ണ് ക​ണ്ട​ത്. ഈ ​സ​മ​യം വ​ഴി​യാ​ത്ര​ക്കാ​ർ പേ​ടി​ച്ച് ഓ​ടി​മാ​റി. റോ​ഡ​രി​കി​ലു​ള്ള വീ​ട്ടു​മു​റ്റ​ത്ത് നി​ന്നി​രു​ന്ന​വ​ർ വീ​ടു​ക​ൾ​ക്കു​ള്ളി​ൽ അ​ഭ​യം​തേ​ടി. പ്ര​ധാ​ന റോ​ഡി​ലൂ​ടെ മു​ക​ളി​ലേ​ക്ക് ഓ​ടി​യ ഇ​വ മു​ന്നൂ​റേ​ക്ക​ർ ഭാ​ഗ​ത്തേ​ക്കു​ത​ന്നെ മ​ട​ങ്ങി​പ്പോ​യ​താ​യാ​ണ് വി​വ​രം.

വ​ന്ന​തും ക​ട​ന്നു പാ​യ​തു​മാ​യ വ​ഴി​ക​ളി​ൽ നി​ന്നി​രു​ന്ന വാ​ഴ, ക​പ്പ, ചേ​ന്പ് തു​ട​ങ്ങി​യ വി​ള​ക​ൾ ന​ശി​പ്പി​ക്ക​പ്പെ​ട്ടു. പ്രാ​ണ​ഭ​യം​മൂ​ലം ഏ​ല​ത്തോ​ട്ടം തൊ​ഴി​ലാ​ളി​ക​ൾ പ​ണി​ക്കി​റ​ങ്ങി​യി​ല്ല. ഭീ​തി​യോ​ടെ​യാ​ണ് ര​ക്ഷി​താ​ക്ക​ൾ കു​ട്ടി​ക​ളെ സ്കൂ​ളു​ക​ളി​ൽ അ​യ​ച്ച​ത്. ചൊ​വ്വാ​ഴ്ച മു​ന്നൂ​റേ​ക്ക​ർ ഭാ​ഗ​ത്തെ ഏ​ല​ക്കാ​ടു​ക​ളി​ൽ ഇ​റ​ങ്ങി​യ ആ​ന​ക​ൾ ഏ​ല​ച്ചെ​ടി​ക​ൾ ച​വി​ട്ടി​യും വ​ലി​ച്ചു​പ​റി​ച്ചും ന​ശി​പ്പി​ച്ചി​രു​ന്നു. വി​ള​വെ​ടു​പ്പി​നു പാ​ക​മാ​യി കി​ട​ക്കു​ന്ന തോ​ട്ട​ങ്ങ​ളാ​യ​തി​നാ​ൽ ക​ന​ത്ത ന​ഷ്ട​മാ​ണ് ഇ​വ വ​രു​ത്തി​വ​ച്ചി​രി​ക്കു​ന്ന​ത്.

ഒ​രു​മാ​സം​മു​ൻ​പ് പ്ര​ദേ​ശ​ത്തെ​ത്തി​യ ആ​ന​ക​ൾ ജോ​സ്ഗി​രി വ​രെ​യും രാ​ജാ​ക്കാ​ട് പ​ഞ്ചാ​യ​ത്തി​ൽ കു​ര​ങ്ങു​പാ​റ ഭാ​ഗ​ത്തു​മെ​ത്തി ദി​വ​സ​ങ്ങ​ളോ​ളം ത​ന്പ​ടി​ച്ച് ക​ന​ത്ത കൃ​ഷി​നാ​ശം വ​രു​ത്തി​യി​രു​ന്നു. പൊ​റു​തി​മു​ട്ടി​യ ജ​ന​ങ്ങ​ൾ എ​ൻ.​ആ​ർ. സി​റ്റി, രാ​ജ​കു​മാ​രി എ​ന്നി​വി​ട​ങ്ങ​ളി​ൽ അ​ടി​മാ​ലി പൂ​പ്പാ​റ സം​സ്ഥാ​ന പാ​ത ഉ​പ​രോ​ധി​ക്കു​ന്ന​ത് ഉ​ൾ​പ്പെ​ടെ​യു​ള്ള പ്ര​തി​ഷേ​ധ സ​മ​ര​ങ്ങ​ൾ ന​ട​ത്തി​യി​രു​ന്നു.